Dalša zběrka rjada "LitMiks" wobsahuje 23 twórbow 14 młodych awtorkow a awtorow w starobje mjez 15 a 29 lětami. Su so pjera jimali, dokelž chcedźa słyšane być. Pisaja wo tym, na čimž so wjesela, čemu so směja, što jich tyši abo trapi, za čimž so žedźa. Swoje mysle a začuća chcedźa z nami dźělić. Inspiracije za basnje a prozowe teksty běchu dopomnjenki, datingi, pućowanja a wězo čłowjeske poćahi – radźene, ale tež z njeradźene. Połojca w zběrce zastupjenych pisacych da nam swoje prěnje literarne wupłody woptać, wupłody tamnych su hižo zrališe. Husto ći při čitanju napjatych wobsahow dla skoro dych wotrazy. Druhe teksty zaso wolóžeja, zabawjeja abo wubudźeja posměwk. Awtorki a awtorojo dopokazuja, zo zamóža ze swojimi myslemi putać, zo zdokonjeja na wšelake wašnje zwuraznić, hač su hněwni abo zbožowni, rozhorjeni, přesłapjeni, zrudni, zludani abo połni nadźije.



Awtorki a awtorojo: Jakub Barč, Milena Berensmeierec, Jan Bogusz, Kito Budar, Aya Hrjehorjec, Franziska Kušec, Helena Mikławškec, Hanna Neterec, Zala Ošikec, Milena Šołćic, Valentina Šołćic, Marta Wenderothec, Rejzka Wjeńcyna, Annamaria Zahonowa



Helena Mikławškec | Mróčel

Zala Ošikec | Kaž přeco

Milena Šołćic | Wotuć

Hanna Neterec | <3

Franziska Kušec | Sy ty?

Franziska Kušec | Zatřěl mje!

Milena Šołćic | Sćin w ćmě

Hanna Neterec | tuž moja wutroba tak ćežka je

Annamaria Zahonowa | po dešću

Jan Bogusz | Zaliw lubosće

Milena Berensmeierec | Běchmoj nimale

Valentina Šołćic | Druha šansa

Zala Ošikec | Sćin

Franziska Kušec | Samota

Rejzka Wjeńcyna | Archiw dopomnjenkow

Franziska Kušec | Jónu

Jakub Barč | Wulět do zeleneho a wróćo do zašłosće

Milena Šołćic | Serbska lipa

Franziska Kušec | Hdźe je lubosć?

Kito Budar | Prózdnota za Boha

Annamaria Zahonowa | Gaudete

Aya Hrjehorjec | Rybarske rubježnistwo

Marta Wenderothec | KI-stonanje

Wo awtorkach a awtorach

Impresum